SAHAR

 مشرقی افغانستان کے صوبے ننگر ہار کے حکام نے بتایا ہے کہ پاکستان نے طورخم سرحد تین روز کے لیے یک طرفہ طور پر کھول دی ہے۔ اس اقدام کا مقصد کورونا لاک ڈاؤن کی وجہ سے پاکستان میں پھنسے افغان شہریوں کو وطن واپسی کا موقع فراہم کرنا ہے۔

افغان حکام کے مطابق پاکستان سے واپس آنے والے افغان شہریوں کی سرحد پر اسکریننگ کی جائے گی اور مشکوک افراد کو دو سے تین ہفتے تک قرنطینہ میں رکھا جائے گا۔

قابل ذکر ہے کہ کورونا پھیلنے کے بعد پاکستان نے افغانستان کے ساتھ ملنے والی سرحدیں بند کر دی تھیں۔ 

 طورخم پاس افغانستان اور پاکستان کے درمیان سب سے اہم ترین گزرگاہ ہے جہاں سے روزانہ ہزاروں افراد تجارت اور علاج معالجے کی غرض سے پاکستان کا سفر کرتے ہیں۔