SAHAR

پاکستان میں دو دہشت گردانہ حملوں کی خبر ہے۔

پہلا دہشت گردانہ حملہ پاکستان کے وفاقی دارالحکومت اسلام آباد میں ایک گشتی پولیس دستے پر ہوا ۔ اس حملے میں ایک پولیس اہلکار جاں بحق اور دو زخمی ہوگئے۔ اس دہشت گردانہ حملے میں ملوث افراد کا پتہ لگانے کے لئے تحقیقات شروع کردی گئی ہیں۔

دوسرا دہشت گردانہ حملہ افغانستان کی سرحد کے قریب واقع علاقے لوئر دیر میں انجام پایا۔ یہ حملہ پاکستانی فوج کی ایک چیک پوسٹ پر کیا گیا ۔پاکستان کے صوبہ خیبر پختونخوا کی پولیس نے بتایا ہے کہ اس حملے میں ایک فوجی مارا گیا ایک زخمی ہوا۔ فوج کے جوابی حملے میں ایک دہشت گرد بھی ہلاک ہوگیا۔آخری اطلاع ملنے تک کسی بھی گروہ نے ان حملوں کی ذمہ داری قبول نہیں کی تھی ۔