شاہ محمود قریشی نے وزارت عظمی کے انتخابات کے بائیکاٹ کا اعلان کردیا
Apr ۱۱, ۲۰۲۲ ۱۵:۴۳ Asia/Tehran
گورنر سندھ عمران اسماعیل نے بھی اپنے عہدے سے استعفی دینے کا اعلان کیا ہے۔
تحریک انصاف کی وزارت عظمی کے امیدوار اور پاکستان کے سابق وزیرخارجہ شاہ محمود قریشی نے اب سے تھوڑی دیر قبل قومی اسمبلی کے اجلاس سے خطاب کرتے ہوئے کہا کہ جس طریقے سے عمران خان کی حکومت کو ہٹانے کی سازش کی گئی اور جس شخص کو قوم پر مسلط کیا جا رہا ہے اس لئے ہم نے فیصلہ کیا کہ اس کا ہم حصہ نہیں بنیں گے اس لئے میں بطور امیدوار وزارت عظمی انتخابی عمل کے بائیکاٹ کا اعلان کرتا ہوں اور ساتھ ہی ہم سب یعنی تحریک انصاف کے تمام اراکین قومی اسمبلی مستعفی ہونے کا اعلان کرتے ہیں ۔
خیال رہے کہ سابق وزیر اعظم عمران خان نے قومی اسمبلی سے استعفیٰ دینے کا فیصلہ کرلیا ہے، ان کا کہنا تھا کہ ہم کسی صورت اس اسمبلی میں نہیں بیٹھیں گے۔