بلوچستان میں دھماکہ، 9 افراد جاں بحق و زخمی
بلوچستان میں دھماکے سے 9 افراد جاں بحق و زخمی ہو گئے۔
پاکستانی میڈیا کے مطابق پاکستان کے صوبے بلوچستان کے ضلع مستونگ میں ہونے والے دھماکے کے نتیجے میں 3 افراد جاں بحق جبکہ 6 زخمی ہوئے جن کی حالت تشویشناک ہے۔ زخمیوں کو فوری طور پر طبی امداد کے لیے ہسپتال منتقل کر دیا گیا ہے۔
لیویزحکام کے مطابق دھماکے میں دو گاڑیوں کو ریموٹ کنٹرول سے نشانہ بنایا گیا، دھماکہ اس وقت ہوا جب قبائلی افراد میت کو دفنا نے کے بعد واپس جارہے تھے.
دھماکے کے فوری بعد سکیورٹی اہلکاروں نے جائے وقوعہ کو گھیرے میں لیکر سرچ آپریشن شروع کر دیا ہے۔
دوسری طرف مشیر داخلہ بلوچستان ضیاء لانگو نے مستونگ دھماکے کی شدید الفاظ میں مذمت کرتے ہوئے دہشت گردی کے واقعات میں اضافے پر تشویش کا اظہار کیا اور کہا کہ دشمن کو بزدلانہ کارروائیوں سے کوئی مقصد حاصل نہیں ہو سکتا، بلوچستان کی ترقی کی راہ میں رکاوٹ کی ہر سازش کا ڈٹ کے مقابلہ کریں گے۔
