ٹی20 ورلڈ کپ فائنل: کس کا پلڑا بھاری؟ پاکستان، انگلینڈ یا بارش؟
کل ٹی 20 ورلڈ کپ کا فائنل پاکستان اور انگلینڈ کے مابین کل کھیلا جائیگا۔
سحر نیوز/اسپورٹس: پاکستان اور انگلینڈ کی ٹیمیں 2022 کے ٹی20 ورلڈ کپ کا فائنل کھیلنے کے لیے میلبرن پہنچ چکی ہیں۔ تاہم کرکٹ کے شائقین کیلئے بری خبر یہ ہے کل بارش ہونے کا قوی امکان ہے اور آسٹریلیا کے محکمۂ موسمیات کا کہنا ہے کہ بارش ہو گی اور بارش ہونے کا 95 فیصد امکان ہے۔
اگر بارش ہوتی ہے تو پھر دونوں ٹیموں کو فائنلسٹ فاتح قرار دیا جائیگا اور شائقین ورلڈ کپ ٹی 20 سے وہ لطف نہیں لے پائیں گے جس کا وہ انتظار کر رہے تھے۔
قابل ذکر ہے کہ میلبرن میں 13 نومبر کو پاکستان اور انگلینڈ کے مابین کھیلا جانے والا فائنل ان دونوں ٹیموں کے لئے ٹی20 ورلڈ کپ کا تیسرا فائنل ہوگا اور دونوں ہی ٹیمیں ایک ایک مرتبہ اس فارمیٹ میں عالمی چیمپئن رہ چکی ہیں۔ پاکستان نے 2009ء میں سری لنکا کو شکست دے کر یہ اعزاز حاصل کیا تھا جبکہ اگلے ہی برس یعنی 2010ء میں انگلینڈ نے آسٹریلیا کو ہرا کر یہ کارنامہ انجام دیا۔
