پاکستان: سیکیورٹی فورسز کے ساتھ فائرنگ میں 7 دہشتگرد ہلاک و زخمی
باجوڑ کے علاقے عنایت قلعہ اور ڈسٹرکٹ خیبر کے علاقے تیراہ میں سیکیورٹی فورسز کے ساتھ فائرنگ کے تبادلے میں دہشتگرد کمانڈر شفیع سمیت 4 دہشتگرد ہلاک اور تین زخمی ہوگئے۔
سحر نیوز/ پاکستان: پاکستانی فوج کے شعبہ تعلقات عامہ آئی ایس پی آر کے مطابق سیکیورٹی فورسز نے انٹیلی جنس کی بنیاد پر ضلع باجوڑ کے علاقے عنایت قلعہ میں آپریشن کیا جس کے دوران فائرنگ کے شدید تبادلے میں دہشت گرد کمانڈر شفیع سمیت 3 دہشت گرد مارے گئے۔
دہشت گرد سیکیورٹی فورسز کے خلاف دہشت گردی کی کارروائیوں کے ساتھ ساتھ معصوم شہریوں کے قتل میں بھی ملوث تھے، علاقے میں پائے جانے والے دہشت گردوں کو ختم کرنے کے لیے علاقے میں کلیرنس آپریشن کی جا ری ہے۔
دریں اثنا سیکیورٹی فورسز نے خیبر ڈسٹرکٹ کے عام علاقے تیراہ میں انٹیلی جنس پر مبنی آپریشن کیا ۔ آپریشن کے دوران شدید فائرنگ کے تبادلے کے بعد ایک دہشت گرد ہلاک اور تین دہشتگرد زخمی ہو گئے۔ ہلاک دہشت گرد سے اسلحہ اور گولہ بارود بھی برآمد ہوا ہے۔
