SAHAR

پاکستان کے صوبے پنجاب کے صدر مقام لاہور کے ایک مکان میں آگ لگنے سے ایک ہی خاندان کے دس افراد جاں بحق ہوگئے۔

سحرنیوز/پاکستان: پاکستانی میڈیا نے ریسکیو حکام کے حوالے سے بتایا ہے کہ آگ شارٹ سرکٹ کے سبب لگی جس کے باعث ایک ہی خاندان کے چھے بچے، تین خواتین اور ایک مرد سمیت دس افراد لقمہ اجل بن گئے۔

اطلاعات کےمطابق یہ واقعہ لاہور شہر کے بھاٹی گیٹ کے محلے سمیاں میں پیش آیا جس میں ایک تین منزلہ مکان آگ کی نذر ہو گیا۔

بتایا جاتا ہے کہ آگ لگنے کے بعد سبھی لوگ عمارت میں پھنس کر رہ گئے اور انہوں نے خود کو محفوظ رکھنے کے لئے عمارت کے پچھلے کمرے میں بند کر لیا تھا تاہم وہ جاں بر نہ ہوسکے۔