خوارج کی پاکستان میں دراندازی کی کوشش ناکام
Dec ۲۸, ۲۰۲۴ ۱۳:۲۴ Asia/Tehran
پاکستان کی سیکورٹی فورسز نے خوارج کے دہشت گردوں کی افغانستان سے پاکستان میں درانداز کی کوشش ناکام بنا دی ہے۔
سحرنیوز/پاکستان: پاکستانی میڈیا کے مطابق پاکستان کے سیکورٹی ذرائع کا کہنا ہے کہ فتنہ الخوارج کے 20 سے 25 دہشتگردوں نے افغان طالبان کی چیک پوسٹوں کا استعمال کر کے شمالی وزیرستان سے دراندازی کی کوشش کی جسے سیکورٹی فورسز نے ناکام بنا دیا۔ خوارج اور افغان طالبان نے مل کر پاکستانی چوکیوں پر بھاری ہتھیاروں سے بِلااشتعال فائرنگ کی۔ جس کا جواب دیا گيا جس کے نتیجے میں افغانستان سائیڈ پر بھاری نقصانات کی اطلاعات ہیں۔ پاکستان سکیورٹی فورسز کا کوئی جانی نقصان نہیں ہوا۔ 3 افراد کے زخمی ہونےکی اطلاع ہے۔
