SAHAR

پاکستان کے شہر کوئٹہ کے علاقے سنجدی میں کان بیٹھ جانے سے 11 کان کن جاں بحق ہوگئے ہیں۔

سحرنیوز/پاکستان:  پاکستانی میڈیا کے مطابق کوئٹہ کے علاقے سنجدی میں کان کے بیٹھ جانے سے کان کن ملبے تلے پھنس گئے۔ 11 کان کنوں کی لاشیں ملبے کے نیچے سے نکالی جا چکی ہیں۔ ایک کان کن کی تلاش کے لیے ریسکیو آپریشن جاری ہے۔ کہا جا رہا ہے کہ سنجدی کی کوئلہ کان میں 9 جنوری کو گیس بھرنے سے دھماکا ہوا تھا۔ گیس دھماکے کے بعد کوئلہ کان بیٹھ جانے سے 12 کان کن اندر پھنس گئے تھے۔