پاکستان کے وزیر اعظم محمد شہباز شریف نے ایران کی شہید رجائی بندرگاہ کے حادثے پر ایرانی عوام اور حکومت کو تعزیت پیش کی ہے
سحرنیوز/پاکستان: وزير اعظم شہباز شریف نے ایک پیغام جاری کرکے کہا ہے کہ ان سخت لمحات میں، پاکستان ایران کے عوام اور حکومت کے ساتھ کھڑا ہے۔ انھوں نے شہید رجائی بندرگاہ کے حادثے میں چند ایرانی شہریوں کے جاں بحق ہونے پر افسوس کا اظہار کرتے ہوئے زخمیوں کے لئے جلد شفایابی کی آرزو کی ہے۔ قابل ذکر ہے کہ کل ہفتے کے دن بندرعباس کی شہید رجائی بندرگاہ میں ہونے والے دھماکہ ہوا تھا۔ اس دھماکے میں اب تک 18 افراد جاں بحق اور 800 زخمی ہوئے ہیں جبکہ 6 افراد لاپتہ ہیں۔
تہران میں پاکستان کے سفیر محمد مدثر ٹیپو نے بھی اس سانحے میں جاں بحق ہونے والوں کے لواحقین سے ہمدردی اور زخمیوں کی جلد شفایابی کی آرزو کی ہے ۔ انھوں نے کہا ہے کہ پاکستان ان دشوار لمحات میں پوری طرح ایران کے ساتھ کھڑا ہے۔
