SAHAR

چینی کمیونسٹ پارٹی کے وزیر لیو جیان چاؤ نے کہا ہے کہ چین پاکستان کا آئرن برادر ملک ہے اور بیجنگ اسلام آباد کے ساتھ تعلقات کو خاص اہمیت دیتا ہے۔

سحرنیوز/پاکستان: پاکستانی ذرائع کے مطابق پاکستان کے نائب وزیرِ اعظم اسحاق ڈار کے دورہ بیجنگ میں چینی کمیونسٹ پارٹی کے وزیر لیو جیان چاؤ نے ان سے ملاقات کی۔ اس موقع پر اسحاق ڈار نے پاکستان کی خودمختاری اور بنیادی مفادات پر چین کی حمایت کی قدردانی کی۔ پاکستان کے دفتر خارجہ کے مطابق بیجنگ میں دونوں رہنماؤں نے سیاسی جماعتوں کے درمیان روابط مزید مضبوط بنانے پر اتفاق کیا۔ اس کے علاوہ پاکستان، چین اور افغانستان کے وزرائے خارجہ کے درمیان سہ فریقی ملاقات بھی ہو رہی ہے۔ سیاسی مبصرین اس سہ فریقی ملاقات کو بھی خاص اہمیت دے رہے ہیں۔