پاکستان کی سیکورٹی افواج پر حملہ، 13 جاں بحق
Jun ۲۸, ۲۰۲۵ ۱۹:۲۵ Asia/Tehran
خودکش حملہ آور نے شمالی وزیرستان میں پاکستان کی فوج کے جوانوں کو نشانہ بنایا جس کے نتیجے میں 13 فوجی جاں بحق ہوگئے۔
سحرنیوز/پاکستان: رپورٹ کے مطابق، اس دہشت گردانہ حملے میں 24 عام شہری بھی زخمی ہوئے جن میں کئی بچے اور خواتین بھی شامل ہیں۔
بعض زخمیوں کی حالت تشویشناک بتائی جا رہی ہے۔
کالعدم تحریک طالبان پاکستان کے ایک ذیلی گروپ نے اس دہشت گردانہ حملے کی ذمہ داری قبول کرلی ہے۔
پاکستان کے ذرائع ابلاغ کے مطابق، جانی ضیاع کے لحاظ سے یہ حملہ گزشتہ چند مہینوں میں کیا جانے والا سب سے بڑا حملہ ہے۔
