پاکستان: پنجاب اپوزیشن لیڈر کو 10 سال قید کی سزا
پاکستان کی پنجاب اسمبلی میں اپوزیشن لیڈر ملک احمد بچھر کو نو مئی کے کیس میں دس سال قید کی سزا سنا دی گئی۔
سحرنیوز/پاکستان: پاکستان کے میڈیا ذرائع کے مطابق انسداد دہشت گردی عدالت لاہور کے جج ارشد جاوید نے کوٹ لکھپت جیل میں مقدمے کی سماعت کی جہاں ملزمان کے وکلاء اور سرکاری وکیل نے حتمی دلائل دیے جس کے بعد عدالت نے نو مئی کو شیر پاو پل پر اشتعال انگیز تقریروں اور جلاؤ گھیراؤ کیس کا جیل ٹرائل مکمل کر لیا۔ انسداد دہشت گردی کی عدالت نے ایم این اے احمد چھٹہ سمیت تمام کارکنوں کو بھی دس، دس سال قید کی سزا کا حکم سنایا ہے۔
انسداد دہشت گردی کی عدالت نے کہا کہ ڈاکٹر یاسمین راشد کے وکیل کل صبح دس بجے مزید دلائل دیں گے جس کے بعد فیصلہ سنایا جائے گا۔عدالت نے شاہ محمود قریشی سمیت چودہ ملزمان کا ٹرائل بھی مکمل کیا، ملزمان کے خلاف اکسٹھ سرکاری گواہوں نے بیانات ریکارڈ کرائے۔ واضح رہے کہ میانوالی ہنگامہ آرائی اور توڑ پھوڑ کیس کے زیادہ تر ملزمان ضمانت پر ہیں۔
