SAHAR

مصر میں پاکستانی سفارت خانے کی جانب سے کہا گیا ہے کہ غزہ کے لیے پاکستان کی امدادی کھیپ مصر پہنچ گئی۔

سحرنیوز/پاکستان: مصر میں پاکستانی سفارت خانے کے ترجمان نے بتایا ہے کہ پاکستان سے خصوصی پرواز 100 ٹن امدادی سامان لے کر مصر پہنچی ہے۔ پاکستانی سفارت خانے کے ترجمان کے مطابق قاہرہ میں پاکستانی سفارت خانے کے اہلکاروں نے امدادی سامان وصول کیا، غزہ کے لیے امدادی سامان مصر کی ریڈ کریسنٹ سوسائٹی کے حوالے کر دیا گیا۔ پاکستانی سفارت خانے کے ترجمان نے بتایا ہے کہ غزہ کے لیے مجموعی امداد اب تک 1915 ٹن تک پہنچ چکی ہے۔ ترجمان پاکستانی سفارت خانے کے مطابق پاکستان سے مزید امدادی سامان آئندہ چند روز میں مصر پہنچے گا۔