پاکستان: پارلیمنٹ کا مشترکہ اجلاس، قومی کمیشن برائے اقلیتی حقوق بِل منظور
اطلاعات کے مطابق پاکستانی پارلیمنٹ کے مشترکہ اجلاس میں قومی کمیشن برائے اقلیتی حقوق بِل 2025 منظور کرلیا گیا ہے۔
سحرنیوز/پاکستان: میڈیا ذرائع کی رپورٹ کے مطابق اسپیکر قومی اسمبلی ایاز صادق کے زیر صدارت آج پارلیمنٹ کا مشترکہ اجلاس ہوا جس میں قومی کمیشن برائے اقلیتی تحفظ کا ترمیمی بِل پیش کیا گیا۔ مشترکہ اجلاس میں قومی کمیشن برائے اقلیتی حقوق بِل 2025 منظور کرلیا گیا، 160 ارکان نے بِل کی حمایت اور 79 ارکان نے اس بِل کی مخالفت کی۔
بِل پر رائے شماری کے دوران ایوان میں اپوزیشن ارکان نے شدید نعرے بازی کی جس پر وزیر قانون اعظم نذیر تارڑ نے کہا کہ یہ اقلیتوں کے تحفظ کا بِل ہے، قیدی نمبر 804 کو کچھ نہیں ہوگا۔
ہمیں فالو کریں:
Follow us: Facebook, X, instagram, tiktok
رائے شماری کے دوران بِل کی مخالفت میں زیادہ بلند آواز آنے پر گنتی کروانی پڑی، اس دوران 160 ارکان نے بِل کی حمایت اور 79 نے بِل پیش کرنے کی مخالفت کی۔
وفاقی وزیرِ قانون کا کہنا تھا کہ جے یو آئی کے مطالبے پر قانونی مسودے کی شق 35 ختم کردی، کمیشن کے پاس ازخود نوٹس لینے یا سزا و جزا کا اختیار نہیں ہوگا۔
