پاکستان: مقامی طور پر تیار کردہ تیمور ویپن سسٹم کا کامیاب تجربہ

Jan ۰۳, ۲۰۲۶ ۱۲:۵۸ Asia/Tehran

اطلاعات کے مطابق پاکستانی فضائیہ نے مقامی طور پر تیار کردہ تیمور ویپن سسٹم کا کامیاب تجربہ کیا ہے۔

سحرنیوز/پاکستان: پاکستانی فوج کے شعبۂ تعلقات عامہ، آئی ایس پی آر، سے جاری اعلامیے کےمطابق ’تیمور ائیر لانچڈ کروز میزائل600 کلومیٹر تک زمینی اور بحری اہداف کو نشانہ بنانے کی بھرپور صلاحیت رکھتا ہے۔‘

اعلامیے کے مطابق کم بلندی پر پرواز کی صلاحیت، دشمن کے ایئر اور میزائل ڈیفنس سسٹموں کو چکمہ دینے میں مؤثر ہے جب کہ تیمور کروز میزائل جدید نیوی گیشن اور گائیڈنس سسٹم سے لیس ہے۔

آئی ایس پی آر کے مطابق فلائٹ ٹیسٹ کا مشاہدہ پاکستانی افواج کے سینیئر افسران اور سائنس دانوں نے کیا جب کہ ایئر چیف مارشل ظہیر احمد بابر سدھو نے سائنس دانوں اور انجینیئروں کو مبارکباد دی۔

ہمیں فالو کریں:

دوسری جانب صدرِ پاکستان آصف علی زرداری نے پاکستانی فضائیہ کی جانب سے مقامی طور پر تیار کردہ تیمور ویپن سسٹم کے کامیاب تجربے پر خراجِ تحسین پیش کیا ہے۔