چین میں کوروناوائرس سے 56 ہلاکتیں 324 کی حالت نازک
Jan ۲۶, ۲۰۲۰ ۰۸:۰۷ Asia/Tehran
چین میں کورونا وائرس سے مرنے والوں کی تعداد بڑھ کر 56 ہو گئی ہے جبکہ سنیچر کی رات تک 1975 معاملات کی تصدیق ہوئی ہے جس میں 324 لوگوں کی حالت نازک ہے۔
قومی صحت کمیشن کے مطابق گزشتہ 24 گھنٹے میں اس انفیکشن کے 688 نئے کیسزکی تصدیق ہوئی ہے جبکہ 1309 نئے مشتبہ کیس سامنے آئے ہیں اور 15 لوگوں کی موت ہونے کی اطلاع ہے۔
اس بیماری سے مرنے والوں کی تعداد کل رات تک 56 تھی جبکہ 2684 افراد کے ٹیسٹ لئے گئے ہیں جن کے بارے میں شک کیا جا رہا ہے کہ وہ اس وائرس میں مبتلا ہیں۔
اس کے علاوہ ہانگ کانگ ، تھائی لینڈ ، جاپان ،کوریا ، امریکہ ، سنگاپور، ملائیشیا ، فرانس اور ویت نام میں بھی کوروناوائرس کے کیسز سامنے آئے ہیں.
