امریکی صدر ٹرمپ کو ایک اور جھٹکا
امریکہ کی سترہ ریاستوں نے بعض غیر ملکی طلبا کے لئے ویزا جاری نہ کرنے پر ملک کے صدر ڈونلڈ ٹرمپ کے خلاف شکایت درج کرائی ہے۔
فارس خبر رساں ایجنسی کے مطابق امریکہ کے کولمبیا علاقے کے علاوہ سترہ ریاستوں کے اٹارنی جنرلوں نے میسا چوسٹ کی ایک مقامی عدالت میں یہ شکایت درج کی ہے۔ اس شکایت میں ٹرمپ کے فیصلوں کو بے سوچے سمجھے، بے رحمانہ اور غیر قانونی قرار دے کر مطالبہ کیا گیا ہے کہ امریکہ کی فیڈرل حکومت کے اس قانون کو فورا کالعدم قرار دیا جائے جو کورونا وائرس کے پھیلاو کے دوران غیر ملکی طلبا کو ملک سے نکلنے پر مجبور کر رہا ہے۔
حال ہی میں امریکی صدر ٹرمپ نے اعلان کیا تھا کہ وہ غیر ملکی طلبا کہ جنکی کلاسز آئندہ سیمسٹر میں آن لائن منعقد ہوں گی، انہیں امریکہ سے باہر نکلنا ہوگا۔
امریکہ کے امیگریشن ادارے نے بھی اعلان کیا ہے کہ وہ غیر ملکی طلبا جن کی کلاسز کورونا وائرس کے پھیلاؤ کے سبب آن لائن منعقد ہوں گی، ان کو ویزا جاری نہیں کیا جائے گا۔
امریکی ریاستوں اور تعلیمی مراکز کا کہنا ہے کہ ٹرمپ اپنے اس قسم کے فیصلے سے تعلیمی مراکز کو مجبور کرنا چاہتے ہیں کہ وہ کورونا کی تباہ کاریوں کے باوجود کلاسز کا آغاز کر دیں اور تمام طلبا اسکولوں اور یونیورسٹیوں میں حاضر ہو کر کلاسوں میں بیٹھیں۔
خیال رہے کہ امریکی صدر ڈونلڈ ٹرمپ نے ماہرین صحت کے تمام تر انتباہات کو نظرانداز کرتے ہوئے تعلیمی مراکز کھولنے کے لئے دباؤ ڈالنا شروع کردیا ہے اور دھمکی دی ہے کہ اگر تعلیمی مراکز آئندہ سیمسٹر میں کھل نہیں جاتے تو ان کا بجٹ روک دیا جائے گا۔
امریکی ایوان نمائندگان کی اسپیکر نینسی پلوسی نے ٹرمپ کے اس اقدام پر کڑی نکتہ چینی کرتے ہوئے کہا کہ وہ بچوں کی جان سے کھیل رہے ہیں۔
واضح رہے کہ امریکا تاحال کورونا وائرس سے سب سے زیادہ متاثرہ ملک ہے جہاں ناصرف کورونا مریض بلکہ اس سے ہلاکتیں بھی اب تک دنیا کے تمام ممالک میں سب سے زیادہ ہیں۔
امریکا میں کورونا وائرس سے اب تک ایک لاکھ 38 ہزار247 افراد موت کے منہ میں پہنچ چکے ہیں جبکہ اس سے بیمار ہونے والوں کی مجموعی تعداد 34 لاکھ 79 ہزار 483 ہو چکی ہے۔
کورونا وائرس کے امریکا میں 17 لاکھ 91 ہزار 767 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 15 ہزار 934 کی حالت تشویش ناک ہے ۔
دنیا بالخصوص عالم اسلام اور علاقے کی اہم خبروں کے لیے ہمارا واٹس ایپ گروپ جوائن کیجئے!
Whatsapp invitation links
1: https://chat.whatsapp.com/BnSULu73lVs92I9siS25as
2: https://chat.whatsapp.com/HpuAlxRqJKIGqNpUyw64ia
3: https://chat.whatsapp.com/J3IyL5qztuVHo50s5CQcpN
4: https://chat.whatsapp.com/EwgdRx3965jD6MG4VUWbAM
5: https://chat.whatsapp.com/LXH4rFOaNyB6nw3YhEYEZV
Note: All of our messages will be shared to all of our groups equally. Please Do Not Join Multiple Groups.
نوٹ: برائے مہربانی ایک سے زیادہ گروپ جوائن نہ کیجئے، تاکہ دوسرے محترم قارئین بھی فائدہ اٹھا سکیں۔ ہم اپنے اہم لینکس یکساں طور پر سبھی گروپس میں شیئر کر رہے ہیں۔ شکریہ
