عدم مساوات اور نسل پرستی کے خلاف نیویارک میں احتجاج
امریکہ میں عدم مساوات، نسل پرستی اور مظاہریں کی سرکوبی کے خلاف نیویارک کے شہریوں نے وسیع پیمانے پر احتجاجی مظاہرہ کیا۔
مظاہرین نے نیویارک کی سڑکوں پر اجتماع کر کے امریکہ میں نسل پرستی کے خلاف نعرے لگائے۔ مظاہرین نے امریکہ کے مختلف شہروں منجملہ پورٹلینڈ میں فیڈرل سکیورٹی فورسز کے ذریعے نسل پرستی کے خلاف مظاہرہ کرنے والوں کی سرکوبی کی بھی شدید الفاظ میں مذمت کی۔ نیویارک کے علاوہ دیگر شہروں میں بھی اتوار کو نسل پرستی کے خلاف احتجاجی مظاہرے کئے گئے۔
قابل ذکر ہے کہ امریکہ میں سفید فام پولیس افسر ڈریک شوون نے پچیس مئی کو نو منٹ تک اپنے گھٹنے سے گردن دبا کر ایک سیاہ فام امریکی شہری جارج فلوئڈ کا قتل کر دیا تھا۔ سفید فام پولیس افسر کے اس وحشیانہ اقدام کے بعد پورے امریکہ میں غم و غصے کی لہر دوڑ گئی اور تب سے امریکہ میں جگہ جگہ نسل پرستی اور پولیس کے بہیمانہ اور تشدد پسندانہ رویے کے خلاف مظاہروں کا سلسلہ جاری ہے۔
دنیا بالخصوص عالم اسلام اور علاقے کی اہم خبروں کے لیے ہمارا واٹس ایپ گروپ جوائن کیجئے!
Whatsapp invitation link
