SAHAR

امریکی ریاست ورجینیا کے ایک اسکول میں ہونے والی فائرنگ میں دوافراد زخمی ہوگئے۔

فارس نیوز ایجنسی کی رپورٹ کے مطابق یہ واقعہ مقامی وقت کے مطابق ریاست ورجینیا کے شہر نیوپورٹ نیوز میں پیش آیا۔ نیوپورٹ نیوز کی پولیس نے اعلان کیا ہے کہ اس فائرنگ میں دوافراد زخمی ہوئے ہیں۔ واقعے کے بعد اسکول میں چھٹی کردی گئی ہے اور پولیس نے اطراف کی سڑکوں کو بند کردیا ہے۔

ابھی تک واقعے کی تفصیلات اور اس کے محرکات سامنے نہیں آئے ہیں اور کسی شخص یا گروہ نے اس کی ذمہ داری بھی قبول نہیں کی ہے۔ امریکہ کو تشدد، اغوا اور مسلح حملوں کی لہر کا سامنا ہے۔ امریکہ میں ہر سال ہزاروں افراد مختلف علاقوں میں ہونے والی فائرنگ کے نتیجے میں ہلاک اور زخمی ہوجاتے ہیں۔