SAHAR

روس کی وزارت خارجہ نے سیکورٹی ضمانت پیش کرنے کے بارے میں بعض مغربی سیاستدانوں کی جانب سے حقائق میں تحریف کرنے پر تنقید کی ہے

ارنا کی رپورٹ کے مطابق روس کی وزارت خارجہ کی ترجمان ماریا زاخارووا نے اپنے ایک بیان میں کہا ہے کہ امریکہ اور نیٹو کے ساتھ آئندہ مذاکرات ، مشرقی یورپ تک نیٹو کے عسکری عدم پھیلاؤ اور روسی سرحدوں کے قریب ماسکو کی سیکورٹی کے لئے خطرہ بننے والے میزائلوں کی عدم تنصیب کے بارے میں ہوں گے۔

ماریا زاخا رووا نے اس بیان میں مغربی ممالک کے بعض سیاستدانوں کے اس بیان پرتنقید کی کہ روس کے ساتھ امریکہ اور نیٹو کے آئندہ مذاکرات میں مشرقی یورپ میں نیٹو کے عسکری عدم پھیلاؤ کا موضوع نہیں اٹھایا جائے گا ۔

سیکورٹی ضمانت کے بارے میں روس اورامریکہ کے آئندہ مذاکرات جنوری دوہزاربائیس کے اوائل میں ہوں گے۔