روس- یوکرین جنگ، کتنا ہوا نقصان؟
Mar ۱۳, ۲۰۲۲ ۲۳:۱۳ Asia/Tehran
یوکرین کے صدر کے اقتصادی امور کے مشیر نے بتایا کہ ملک کو جنگ سے اب تک 100 ارب ڈالر کا نقصان ہو چکا ہے۔
فرانس پریس کے مطابق والیگ استوینگ نے بتایا کہ اس وقت ہماری آدھی سے زیادہ کمپنیاں اپنا کام نہیں کر پا رہی ہیں۔
انہوں نے کہا کہ وہ کمپنیاں جو تھوڑی بہت سرگرمیاں انجام بھی دے رہی ہیں، ان کی توانائی سے بھرپور استفادہ نہیں کیا جا رہا ہے۔
یوکرین کے صدر کے اقتصادی امور کے مشیر نے بتایا کہ ملک کو جنگ سے ہونے والے نقصانات کے شروعاتی جائزے بتاتے ہیں کہ ہمیں کم از کم 100 ارب ڈالرز سے زائد کا نقصان ہو چکا ہے۔
ان کا کہنا تھا کہ اس وقت ہمارا ملک حقیقی تباہی کے دور سے گزر رہا ہے جس کا اندازہ دوسرے نہيں لگا سکتے۔
