امریکہ کی مختلف ریاستوں میں فائرنگ
امریکی ریاستوں ، ٹنسٹی ، کیلی فورنیا اور اوکلاہما میں فائرنگ کے نتیجے میں کئی افراد ہلاک و زخمی ہوگئے ہیں
ہمارے نمائندے کی رپورٹ کے مطابق امریکی ریاست ٹنسی کی پولیس کا کہنا ہے کہ شہر کے مرکزی علاقے کے ایک تجارتی علاقے میں فائرنگ کے نتیجے میں چھے افراد زخمی ہوگئے ۔ پولیس کے مطابق فائرنگ کے بعد ایک شخص کو گرفتار بھی کیا گیا ہے جبکہ کئی افراد کو اسپتال پہنچایا گیا ہے جن میں سے دو کی حالت نازک بتائی گئی ہے ۔
سی بی ایس ٹی وی نے ریاست کیلی فورنیا میں فائرنگ کے نتیجے میں پانچ افراد کے زخمی ہونے کی خبر دی ہے ۔ فائرنگ کا یہ واقعہ شہر لانڈیل کی ایک سڑک پر پیش آیا۔ زخمیوں کی حالت نازک بتائی گئی ہے ۔ زخمیوں میں سولہ سال کی ایک لڑکی بھی ہے ۔ اس واقعے میں اب تک کوئی گرفتاری عمل میں نہیں آئی ہے۔
ریاست اوکلاہا ما کے حکام نے بھی اعلان کیا ہے کہ ریاست کے مشرقی علاقے میں ایک تقریب کے دوران فائرنگ میں ایک شخص ہلاک اور سات زخمی ہوئے ہیں ۔ فائرنگ اور اجمتاعی قتل ،امریکہ میں ایک تشویشناک مسئلہ بن گیا ہے۔
