امریکا نے شام سے کتنا تیل چرایا، چین کا نیا انکشاف
چین کا کہنا ہے کہ امریکہ شام کا 82 فیصد تیل لوٹ لیتا ہے۔
سحر نیوز/ دنیا: چینی وزارت خارجہ کے ترجمان نے امریکیوں اور ان کے کرائے کے فوجیوں کے ہاتھوں شام کے 66 ہزار بیرل تیل کی لوٹ مار کا ذکر کرتے ہوئے کہا کہ واشنگٹن کو شام کے قومی وسائل کی لوٹ مار بند کردینی چاہیے۔
فارس خبر رساں ایجنسی کے مطابق چینی وزارت خارجہ کے ترجمان وانگ یی نے جمعرات کو ایک پریس کانفرنس میں کہا کہ امریکہ اب بھی شام کا تیل چوری کر رہا ہے۔
وانگ یی کے مطابق، روس کے ایلیم نیوز چینل نے رپورٹ دی ہے کہ شام میں 2022 کی پہلی ششماہی میں خام تیل کی یومیہ پیداوار تقریباً 80 ہزار 300 بیرل یومیہ تھی جس میں سے امریکیوں اور ان کے کرائے کے فوجیوں نے 66 ہزار بیرل تیل لوٹ لیے ہیں۔
یہ بتاتے ہوئے کہ امریکی فوج نے شام کی تیل کی پیداوار کا 82 فیصد لوٹ لیا ہے، انہوں نے کہا کہ اگست کے آغاز سے اب تک تقریباً 800 آئل ٹینکرز چوری ہونے کے بعد شام سے باہر امریکی اڈوں پر منتقل کیے جا چکے ہیں۔
وانگ یی نے اس بات کی طرف اشارہ کرتے ہوئے کہ اتنی مقدار میں چوری کی وجہ سے شامیوں کو گیس اسٹیشنوں پر گھنٹوں لمبی قطاروں میں کھڑا ہونا پڑتا ہے۔
ان کا کہنا تھا کہ وانگ یی نے کہا کہ شام افغانستان، لیبیا اور عراق کی طرح امریکہ کے تسلط پسندانہ نظام کا ایک اور شکار ہے۔
اس بات پر زور دیتے ہوئے کہ تیل کی چوری نے شامی عوام کو ان کے حقوق اور زندگی سے محروم کر دیا ہے، چینی وزارت خارجہ کے ترجمان نے امریکہ سے کہا کہ وہ شام کی خود مختاری اور علاقائی سالمیت کا احترام کرے۔
انہوں نے شام کے خلاف امریکہ کی طرف سے عائد پابندیوں کو ہٹانے کی ضرورت کا ذکر کرتے ہوئے کہا کہ واشنگٹن شام کے قومی وسائل کی لوٹ مار بند کرے اور شامی عوام کو معاوضہ ادا کرے۔
