امریکا جلد ہی یوکرین کو پیٹریاٹ سسٹم دے سکتا ہے
امریکا نے روسی حملوں کا مقابلہ کرنے کے لیے یوکرین کو جدید ترین پیٹریاٹ ایئر ڈیفنس سسٹم فراہم کرنے کی تیاری مکمل کرلی ہے جس کا اعلان جلد ہی ہوسکتا ہے۔
سحر نیوز/ دنیا: پہلی بار امریکا نے یوکرین کو روس کا مقابلہ کرنے کے لیے جدید ترین فضائی دفاعی نظام فراہم کرنے کی تیاریاں مکمل کرلیں۔
یوکرین افواج کو پیٹریاٹ ایئر ڈیفنس سسٹم کے استعمال کے لیے تکنیکی تربیت جرمنی میں مہیا کی جائے گی۔
نام نہ ظاہر کرنے کی شرط پر امریکی عہدے داروں نے عالمی میڈیا کے نمائندے کو بتایا کہ یوکرین کو پیٹریاٹ ایئر ڈیفنس سسٹم فراہم کرنے کے بارے میں کل تک کسی فیصلے کا اعلان متوقع ہے۔
اس حوالے سے امریکا اور یوکرین کے اعلیٰ عہدیداروں کے درمیان گزشتہ چند روز سے واشنگٹن میں مذاکرات جاری ہیں جس میں فضائی دفاعی نظام کی فراہمی کو حتمی شکل دیدی گئی۔
روسی حکام اس بابت امریکا اور مغربی ممالک کو خبردار کر چکے ہیں اور ان کا کہنا ہے کہ کسی ملک نے یوکرین کو پیٹریاٹ میزائل ڈیفنس سسٹم فراہم کیا تو روس اسے اپنے خلاف جارحیت تصور کرے گا۔
