SAHAR

جنوبی افریقہ کے شہر جوہانسبرگ میں پانچ منزلہ عمارت میں آگ لگنے سے 73 افراد ہلاک اور پچاس زخمی ہو گئے ہیں۔

سحر نیوز/ دنیا: موصولہ رپورٹ کے مطابق عمارت میں آگ لگنے کے واقعے میں ایک بچے سمیت اب تک 73 افراد ہلاک اور پچاس زخمی ہوئے ہیں ، زخمیوں کو ہسپتال منتقل کر دیا گیا ہے۔

جوہانسبرگ ایمرجنسی مینجمنٹ سروس کے ترجمان کے مطابق جمعرات کی صبح لگنے والی آگ نے دیکھتے ہی دیکھتے پوری عمارت کو اپنی لپیٹ میں لے لیا۔

ایمرجنسی حکام کا کہنا ہے کہ متاثرہ افراد کو طبی امداد فراہم کی جا رہی ہے جبکہ عمارت میں ریسکیو آپریشن جاری ہے تاہم ہلاکتوں کی تعداد میں اضافے کا بھی خدشہ ہے۔

غیر ملکی خبر ایجنسی کے مطابق جوہانسبرگ میں عمارت میں لگنے والی آگ پر قابو پا لیا گیا ہے اور انتظامیہ کی جانب سے آگ لگنے کی وجوہات کے بارے میں تحقیق کی جارہی ہے۔