SAHAR

غاصب صیہونی فوج نے تازہ زمینی جھڑپوں کے دوران اپنے سات فوجیوں کی ہلاکت کا اعتراف کیا ہے۔

سحرنیوز/دنیا: فارس خبر رساں ایجنسی نے صیہونی فوج کے بیان کے حوالے سے رپورٹ دی ہے کہ غزہ میں تازہ زمینی لڑائی میں سات صیہونی فوجی ہلاک اور چار زخمی ہوگئے ہیں۔ غاصب صیہونی فوج نے اپنے بیان میں مزید کہا ہے کہ زمینی حملے کے آغاز سے اب تک پینسٹھ صیہونی فوجی ہلاک ہوچکے ہیں۔ یہ ایسی حالت میں ہے کہ جب القسام بریگيڈ نے اپنے بیان میں کہا تھا کہ استقامت کے مجاہدین نے غزہ پٹی میں چھ صیہونی فوجیوں کو ہلاک کر دیا ہے۔ فلسطین اور لبنان کی استقامت کے مجاہدین نے زور دے کر کہا ہے کہ صیہونی فوجی اس سے کہیں زیادہ تعداد میں ہلاک ہوئے ہیں جن کا اعلان صیہونی فوج کی جانب کیا جا رہا ہے۔