انتہا پسند اسرائیلی خاخام نے نیتن یاہو کو دیا کامیابی کا راز
مقبوضہ فلسطین میں دائیں بازو کی کانفرنس کے موقع پر کئی اسرائیلی خاخام اور ربیوں نے زور دیا کہ جنوبی غزہ پٹی پر دوبارہ قبضہ کرنا ہی اسرائیل کا واحد مناسب حل ہے۔
سحر نیوز/ دنیا: فارس نیوز ایجنسی کی رپورٹ کے مطابق، غزہ میں جنگ کے بعد کے لیے حل تلاش کرنے کے موضوع پر مقبوضہ بیت المقدس میں اسرائیل کے دائیں بازو کی ایک کانفرنس کا انعقاد کیا گیا۔
غزہ کے خلاف اسرائیلی فوج کی جنگ کو 110 سے زائد دن گزر چکے ہیں اور اسرائیلی پریس تنقید کا سلسلہ جاری رکھے ہوئے ہے کیونکہ نیتن یاہو کی حکومت کے پاس غزہ اور حماس کے بحران کا کوئی حل نہیں ہے اور اب بھی نہیں معلوم کہ جنگ ختم ہونے کے بعد اگلے دن کیا ہو گا ؟
مقبوضہ بیت المقدس میں ایک کانفرنس منعقد ہوئی جس میں دائیں بازو کے عناصر اور جماعتیں شریک تھیں۔
اس کانفرنس میں "جنگ کے بعد کے دن" کے سوال کا جواب دیا جانا تھا۔
اسرائیل کی 0404 نیوز ویب سائٹ کے مطابق اس کانفرنس کا عنوان تھا "غزہ پٹی کے جنوب میں آبادکاری ہی سلامتی اور فتح حاصل کرنے کا واحد راستہ ہے"۔
شمالی مغربی کنارے اور سیدیروٹ کے ربی سامرہ نے بھی کانفرنس میں شرکت کی۔
خاخام شموئیل الیاہو، ربیز کمیونٹی ایسوسی ایشن کے سربراہ اور ربی موردچائی کے بیٹے نے غزہ پٹی پر دوبارہ قبضے کو غزہ پٹی کا واحد اسرائیلی حل قرار دیا ہے ۔
سیموئیل الیاہو نے کہا کہ غزہ پٹی کا اصل حل بہت آسان ہے، یہ سب جانتے ہیں، یہودیوں کا اپنے گھر، غزہ پٹی کے جنوب میں واقع گش قطیف میں اپنی آبائی زمین پر واپس جانا ہے، یہی اصل حل ہے اور کوئی بھی حل ناکام ہو جائے گا، میری رائے میں ہمت کا ہونا چاہیے اور کھل کر سچ کا اظہار کرنا چاہیے۔
