SAHAR

امریکی وزارت جنگ نے امریکی فوجی اڈے پر حملے میں زخمیوں کی تعداد میں اضافے کی خبر دیتے ہوئے اعلان کیا ہے کہ اس ڈرون حملے میں چالیس سے زائد امریکی فوجی زخمی ہوئے ہیں۔

سحرنیوز/دنیا: ارنا کی رپورٹ کے مطابق امریکی وزارت جنگ کی ڈپٹی ترجمان سبرینا سنگھ نے پیر کو نامہ نگاروں سے گفتگو میں کہا ہے کہ اردن میں امریکی فوجی اڈے پر ہونے والے ڈرون حملے میں چالیس سے زائد امریکی فوجی زخمی ہوئے ہیں۔ اس حملے میں زخمی امریکی فوجیوں کی تعداد میں اضافے کا ایسی حالت میں اعلان کیا گیا ہے کہ وائٹ ہاؤس نے اعلان کیا ہے کہ امریکی صدر جو بائیڈن نے قومی سلامتی کونسل کے اراکین کے ساتھ ملاقات کی ہے۔