SAHAR

عالمی بینک نے فلسطینیوں کی نجات کے لئے فوری اقدام کی ضرورت پر زور دیتے ہوئے خبردار کیا ہے کہ غزہ کی نصف سے زائد آبادی کو بھوک مری کا سامنا ہے۔

سحر نیوز/ عالم اسلام: عالمی بینک نے ایک بیان میں اعلان کیا ہے کہ غزہ میں نصف ‎سے زائد آبادی کو جس میں عورتیں اور بچے بھی شامل ہیں، قحط و بھوک مری کا سامنا ہے اور غزہ کے عوام کو فوری طور پر نجات دلائے جانے کی ضرورت ہے۔

بیان میں عالمی برادری سے، غزہ کے عوام کو ہر طرح کی انسان دوستانہ امداد فراہم کئے جانے کا مطالبہ کیا گیا۔ عالمی بینک کی یہ خبر ایسی حالت میں سامنے آئی ہے کہ خوراک کی عالمی تنظیم نے بھی اعلان کیا ہے کہ غزہ کے تقریبا گیارہ لاکھ لوگ بھوک مری کا شکار ہیں جنھیں فوری طور پر انسان دوستانہ امداد کی ضرورت ہے۔