ایتھوپیا میں لینڈ سلائیڈنگ، 55 افراد ہلاک
افریقی ملک ایتھوپیا میں لینڈ سلائیڈنگ کے واقعے میں 55 افراد ہلاک ہوگئے ہیں۔ حکام نے ہلاکتوں میں اضافے کا خدشہ ظاہر کیا ہے
سحرنیوز/دنیا: میڈیا رپورٹس کے مطابق لینڈ سلائیڈنگ کا واقعہ جنوبی علاقے گوفا میں پیش آيا۔ لینڈ سلائیڈنگ کے بعد 55 لاشیں نکال لی گئی ہیں۔حکام کے مطابق گزشتہ روز شدید بارشوں کے بعد لینڈ سلائیڈنگ کا واقعہ پیش آیا تھا جس کے بعد مقامی آبادیوں سے لوگ اور پولیس اہلکار لینڈ سلائیڈنگ کے مقام پر پھنسے افراد کی مدد کیلئے پہنچے جس کے بعد دوسری لینڈ سلائیڈنگ ہوگئی۔
حکام کے مطابق دوسری لینڈ سلائیڈنگ میں جائے حادثہ پر مدد کیلئے پہنچنے والے کئی افراد دب گئے۔ اب تک 55 لاشیں نکالی گئی ہیں، ہلاکتوں میں اضافے کا خدشہ ہے۔ لینڈ سلائیڈنگ کے مقام پر امدادی سرگرمیاں جاری ہیں۔حکام کا مزید کہنا تھا کہ زندہ بچ جانے والوں کی تلاش جاری ہے ۔اس علاقے میں پہلے بھی لینڈ سلائیڈنگ کا واقعہ ہو چکا ہے۔
