SAHAR

غزہ میں شہداء کی تعداد چالیس ہزار سے زائد ہونے پر ردعمل میں آئرلینڈ کے وزیراعظم نے اسے دنیا کے لئے ننگ و عار قرار دیا ہے۔

سحرنیوز/دنیا: فلسطین کی سما نیوز ایجنسی کے مطابق سائمن ہیرس نے ایکس سوشل نیٹ ورک پر اپنے صارف اکاؤنٹ پر ایک پیغام میں لکھا ہے بین الاقوامی سفارت کاری معصوم بچوں کو تحفظ فراہم کرنے میں ناکام رہی ہے۔
انہوں نے صیہونی حکومت کی طرف سے غزہ پر بمباری بند کرنے اور حماس کے ہاتھوں قیدی بنائے گئے صیہونیوں کی رہائی کی ضرورت پر زور دیا اور یورپی یونین سے بھی مطالبہ کیا کہ وہ صیہونی حکومت کے ساتھ اپنے تعاون کے معاہدے پر نظر ثانی کرے۔