SAHAR

یورپی یونین نے اقوام متحدہ کی امن محافظ فوج پر صیہونی حکومت کے حملے کی سخت الفاظ میں مذمت کی ہے۔

سحر نیوز/ دنیا: یورپی یونین کی خارجہ پالیسی کے سربراہ جوزف بورل نے اس یونین کے ستائيس رکن ممالک کی جانب سے ایک سخت بیان جاری کرتے ہوئے جنوبی لبنان میں اقوام متحدہ کے امن فوجیوں یونیفیل کے خلاف صیہونی حکومت کے حملوں کی مذمت کرتے ہوئے کہا ہے کہ یورپی یونین کو بلیو لائن (لبنان اور مقبوضہ فلسطین کے درمیان سرحد) پر کشیدگی میں حالیہ اضافے پر گہری تشویش ہے۔

انہوں نے خبردار کیا کہ اقوام متحدہ کی امن فوج کے خلاف اس طرح کے حملے بین الاقوامی قوانین کی سنگین خلاف ورزی ہیں اور مکمل طور پر ناقابل قبول ہیں اور ان حملوں کو فوری طور پر روکنا چاہیے۔