SAHAR

بہتر فیصد صیہونی آبادکار جنگ بندی اور جنگی قیدیوں کے تبادلے کا معاہدہ چاہتے ہیں۔

مقبوضہ علاقوں میں تازہ ترین سروے کے نتائج سے پتہ چلتا ہے کہ بہتر فیصد صہیونی، فلسطینی مزاحمت کاروں کے ساتھ قیدیوں کے تبادلے اور غزہ کے خلاف جنگ کے خاتمے کے لیے معاہدے کے خواہاں ہیں۔صیہونی حکومت کے چینل بارہ کے تازہ ترین سروے سے پتہ چلتا ہے کہ بہتر فیصد صہیونی غزہ جنگ کے خاتمے کے بدلے میں قیدیوں کے تبادلے کے لیے حماس تحریک کے ساتھ معاہدے کا مطالبہ کر رہے ہيں۔

یہ ایسے میں ہےکہ جب سروے میں شامل پندرہ فیصد جواب دہندگان نے اس معاہدے کی مخالفت کا اظہار کیا ہے-اس سروے کے مطابق صیہونی حکومت کے وزیر اعظم بنیامین نیتن یاہو کو ووٹ دینے والوں میں سے چھپن فیصد قیدیوں کے تبادلے اور جنگ کے خاتمے کا معاہدہ چاہتے ہیں اور چوبیس فیصد اس کے خلاف ہیں۔