SAHAR

جرمنی کے شہر ماکدے برگ میں ایک شخص نے ہجوم پر کار چڑھا دی جس سے 2 افراد ہلاک اور 80 سے زائد زخمی ہوگئے۔

سحرنیوز/دنیا: غیر ملکی میڈیا کے مطابق کرسمس بازار پر حملے میں سعودی شہری ملوث ہے جسے گرفتار کرلیا گیا ہے۔ گرفتار شدہ شخص پیشے کے لحاظ سے ڈاکٹر ہے اور 2006 سے جرمنی میں رہائش پذیر ہے۔

اس واقعے کے بعد پولیس نے علاقے کو سیل کردیا ہےجبکہ اسپتالوں میں ایمرجنسی نافذ کردی گئی ہے۔

دوسری جانب جرمن چانسلر اولف شولز نے عوام کو کرسمس بازاروں میں محتاط رہنے کی ہدایت کی ہے۔ ان کا کہنا ہے کہ کرسمس مارکیٹ کے واقعے نے بدترین تشویش کوجنم دیا ہے۔