زیلنسکی میڈیا کے سامنے معافی مانگیں: ڈونلڈ ٹرمپ
امریکی صدر ڈونلڈ ٹرمپ نے کہا ہے کہ اگر زیلنسکی امریکہ کے ساتھ معاہدے کو آگے بڑھانا چاہتے ہیں تو میڈیا کیمروں کے سامنے معافی مانگیں۔
سحرنیوز/دنیا: ایک امریکی میڈیا آؤٹ لیٹ نے خبر دی ہے کہ امریکی صدر ڈونلڈ ٹرمپ نے یوکرین کے صدر ولادیمیر زیلنسکی کے ساتھ تلخ ملاقات کے بعد کہا ہے کہ اگر زیلنسکی امریکہ کے ساتھ معاہدے کو آگے بڑھانا چاہتے ہیں تو میڈیا کیمروں کے سامنے (ٹرمپ سے) معافی مانگیں۔ ریپبلکن سے وابستہ امریکی میڈیا آؤٹ لیٹ فاکس نیوز نے خبر دی ہے کہ امریکی صدر ڈونلڈ ٹرمپ نے مزید کہا ہے کہ وہ یوکرین کے ساتھ کوئی معاہدہ نہیں کریں گے اور کسی قسم کی امداد اس وقت تک فراہم نہیں کریں گے جب تک کہ یوکرین کے صدر ولادیمیر زیلنسکی وائٹ ہاؤس کے دفتر میں گزشتہ ہفتے کے اختلاف کے لیے "آن کیمرہ" معافی نہیں مانگ لیتے۔ فاکس نیوز کے مطابق، ٹرمپ نے گزشتہ ہفتے ملاقات کے دوران زیلنسکی سے ناراض ہونے کے بعد پیر کے روز آن کیمرہ معافی مانگنے کا مطالبہ کیا۔
