اسرائیل نے جان بوجھ کر امدادی فورسز کو نشانہ بنایا، نیویارک ٹائمز کا تہلکہ خیز انکشاف!
نیویارک ٹائمز نے غزہ کی امدادی فورسز سے متعلق ایک ویڈیو شائع کر کے صیہونی رژیم کے جھوٹے دعووں کی قلعی کھول کر رکھ دی۔
مہر خبررساں ایجنسی کی رپورٹ کے مطابق، نیویارک ٹائمز نے اپنی ایک رپورٹ میں انکشاف کیا کہ اس نے امدادی فورسز میں سے ایک کے فون سے ایک ویڈیو حاصل کی ہے جس میں دکھایا گیا ہے کہ صیہونی حکومت نے غزہ کے جنوب شہر رفح میں امدادی فورسز پر حملوں کے بارے میں جھوٹ کا سہارا لیا۔
اس رپورٹ کے مطابق مذکورہ ویڈیو میں واضح طور پر دیکھا جاسکتا ہے کہ امدادی فورسز اور ریسکیو گاڑیاں خصوصی اشاروں اور روشن روشنیوں کے ساتھ آگے بڑھ رہی ہیں لیکن انہیں صیہونی رژیم نے حملوں کا نشانہ بنایا ہے۔
امدادی فورسز کی صیہونی غاصبوں کے ہاتھوں شہادت کے بعد انہیں اجتماعی قبروں میں دفن کیا گیا۔
خیال رہے کہ اس سے قبل صیہونی حکومت نے دعویٰ کیا تھا کہ ان گاڑیوں اور فوجیوں کے پاس ضروری نشانات نہیں تھے اور وہ اپنی لائٹس بند کرکے آگے بڑھ رہے تھے!
گزشتہ اتوار کو فلسطینی ہلال احمر سوسائٹی نے 14 شہیدوں کی لاشیں ریافت کیں، جن میں آٹھ ریلیف فورسز اور پانچ سٹی ڈیفنس فورس کے اہلکار شامل ہیں۔