غزہ میں جنگ بندی اور محاصرے کے خاتمے کا مطالبہ؛ امریکی سینیٹر
امریکی سینٹ کے ڈیموکریٹ سینیٹر کریس ون ھولن نے غزہ کا محاصرہ ختم کرنے اور جنگ بندی کا اعلان کرنے کا مطالبہ کیا ہے۔
سحرنیوز/دنیا: ریاست مریلینڈ سے تعلق رکھنے والے سینیٹر کریس ون ھولن نے بدھ کو اپنے سوشل میڈيا اکاؤنٹ پر لکھا کہ گذشتہ پچاس دنوں سے غزہ کے عام شہری مکمل محاصرے میں ہیں اور ان تک کسی طرح کی خوراک اور انساندوستانہ امداد نہيں پہنچ رہی ہے۔ انہوں نے کہا کہ محاصرے اور تکلیف دینے کا سلسلہ ختم کرو، قیدیوں کو رہا کرو اور جنگ بند کرو۔ اب سات اکتوبر نہيں ہونا چاہئے اور سیکورٹی، احترام، انسانی حقوق اور خودمختاری سب کے لئے ہونا چاہیے۔
غزہ پٹی میں غذائی اشیاء اور دواؤں سمیت ہر طرح کی بنیادی چیزوں کی شدید قلت کے باعث انسانی صورت حال نہایت نازک ہے۔ عالمی ادارہ خوراک نے اعلان کیا ہے کہ غزہ پٹی میں بیس لاکھ افراد ہیں جن کی اکثریت پناہ گزيں اور دربدر ہے اور وہ پوری طرح غذائی امداد پر منحصر ہيں۔ عالمی ادارہ خوراک نے کہا کہ غذائی مواد کی شدید قلت اورگذرگاہوں کی بندش کے پیش نظر غزہ پٹی میں خوراک کی سخت ضرورت ہے
