امریکی شہریت حاصل کرنے کے لئے الہان عمر نے اپنے بھائی سے شادی کی: امریکی صدر ٹرمپ کا نیا بہتان
امریکہ کے صدر ڈونلڈ ٹرمپ نے امریکی کانگریس کی رکن الہان عمر پر نیا بہتان لگاتے ہوئے کہا ہے کہ انہوں نے امریکی شہریت کے لئے اپنے بھائی سے شادی کی۔
سحرنیوز/دنیا: میڈیا رپورٹوں کے مطابق امریکی صدر ڈونلڈ ٹرمپ نے امریکی کانگریس کی رکن الہان عمر پر نیا بہتان لگایا ہے اور کہا ہے کہ انہوں نے امریکہ میں داخلے کے لئے اپنے بھائی سے شادی کرلی تھی۔ یہی نہیں ٹرمپ نے محترمہ الہان عمر کے حجاب پر طنز کرتے ہوئے کہا کہ وہ ہمیشہ اپنے کفن نما حجاب میں لپٹی رہتی ہیں۔
صدر امریکہ ٹرمپ نے اپنی ٹروتھ سوشل پوسٹ میں الزام لگایا کہ الہان عمر غیرقانونی طور پر امریکہ میں داخل ہوئیں اور ساتھ ہی انہیں امریکہ کی ’’بدترین کانگریس خاتون‘‘ بھی قرار دیا۔
ٹرمپ نے کہا کہ ’’الہان عمر، جو ہمیشہ اپنے کفن نما حجاب میں لپٹی رہتی ہیں، امریکہ کے آئین اور اپنے ساتھ بُرے سُلوک کے بارے میں صرف نفرت انگیز شکایات ہی کرتی رہتی ہیں۔‘‘
ہمیں فالو کریں:
Follow us: Facebook, X, instagram, tiktok
اطلاعات کے مطابق الہان عمر پر اپنے بھائی سے شادی کرنے کا الزام پہلے بھی لگایا گیا ہے لیکن متعدد تحقیقات سے ثابت ہوا ہے کہ یہ دعویٰ غلط ہے۔ 2016 میں الہان عمر نے اسے مسترد کرتے ہوئے کہا تھا کہ یہ ’’بالکل غلط اور مضحکہ خیز‘‘ ہے۔ الہان عمر نے ثبوت کے طور پر اپنی ازدواجی تاریخ بھی فراہم کی تھی۔
