ایران کے صدر کا دورہ ترکی
Mar ۳۰, ۲۰۱۸ ۱۰:۳۷ Asia/Tehran
ایران کے صدر اور وزیر خارجہ اگلے ہفتے ترکی کا دورہ کریں گے۔
اسلامی جمہوریہ ایران کے صدر ڈاکٹر حسن روحانی اور وزیر خارجہ محمد جواد ظریف شامی بحران کے حوالے سے تین ملکی اجلاس میں شرکت کے لئے اگلے ہفتے ترکی جائیں گے۔
ترکی میں تعینات ایران کے سفیر محمد ابراہیم طاہریان نے میڈیا سے گفتگو کرتے ہوئے کہا کہ صدر مملکت ڈاکٹر حسن روحانی اور وزیر خارجہ محمد جواد ظریف جلد ترکی کا دورہ کریں گے۔
ترک میڈیا کے مطابق، شام میں قیام امن کے حوالے سے سوچی عمل کے دوسرے مرحلے میں ایران، ترکی اور روس کے درمیان سربراہی اجلاس کا انعقاد کیا جائے گا۔
رپورٹ کے مطابق 3 اپریل کو انقرہ میں تینوں ممالک کے وزرائے خارجہ کا اجلاس ہوگا جس کے بعد سربراہان مملکت کی مشترکہ نشست کا انعقاد کیا جائے گا۔
