SAHAR

ہندوستان نے امریکہ کو دوٹوک جواب دیتے ہوئے روس کے ساتھ تعلقات جاری رکھنے پر تاکید کی ہے۔

ہندوستان کے وزیر دفاع نے کہا ہے کہ ماسکو کے ساتھ نئی دہلی کی دوستی ہند-امریکہ تعلقات سے تضاد نہیں رکھتی۔ راجناتھ سنگھ نے منگل کے روز کہا کہ امریکہ جانتا ہے کہ ہندوستان اور روس مشترکہ مفادات کے حامل اتحادی ہیں اور انکے مابیں پائیدار تعلقات ہیں۔

انہوں نے نئی دہلی-ماسکو کے مشترکہ مفادات کے حامل اتحادی ہونے پر زور دیتے ہوئے کہا کہ ان تعلقات سے امریکہ کے ساتھ ہندوستان کے تعاون پر کوئی برا اثر نہیں پڑے گا۔

راجناتھ سنگھ نے ساتھ ہی یہ بھی کہا کہ ہندوستان محتاط رہے گا کہ دوسرے ملکوں کے ساتھ اس کے تعلقات سے امریکہ کے بنیادی قومی مفادات کو نقصان نہ پہونچے۔