SAHAR

ہندوستان کے وزیر خارجہ نے کہا ہے کہ چین کے علاوہ، نئی دہلی کے پوری دنیا سے دوستانہ تعلقات ہیں۔

سحر نیوز/ ہندوستان: ہندوستان کے وزیر خارجہ ایس جئے شنکر نے کہا ہے کہ ہندوستان تمام بڑی طاقتوں کے ساتھ دوستانہ تعلقات رکھتا ہے جس میں اضافہ بھی ہو رہا ہے تاہم انہوں نے چین کو مستثنی قرار دیا۔ 
انہوں نے دعوی کیا کہ چین سے کشیدگی کے نتیجے میں ہندوستان، متنازعہ علاقوں میں بڑے پیمانے پر فوجیوں کو تعینات کرنے پر مجبور ہوا ہے۔
ہندوستان کے وزیر خارجہ نے نئی دہلی اور ماسکو کے تعلقات کی جانب بھی اشارہ کرتے ہوئے کہا کہ یوکرین کی جنگ اور اس کے عالمی اثرات کے باوجود ہندوستان اور روس کے تعلقات انتہائی مستحکم ہیں ۔ انہوں نے کہا کہ ہندوستان نے اس جنگ میں غیرجانبداری کا مظاہرہ کیا ہے اور سفارتی راہ حل کا خواہاں ہے۔