ہندوستان کو 12 برس بعد ہوم گراؤنڈ پر نیوزی لینڈ کے ہاتھوں ٹیسٹ سیریز میں شکست
Oct ۲۷, ۲۰۲۴ ۱۹:۲۳ Asia/Tehran
ہندوستان کو بارہ برس بعد ہوم گراؤنڈ پر ٹیسٹ سیریز میں شکست ہوئی ہے ۔
سحرنیوز/ ہندوستان: نیوزی لینڈ نے ہندوستان کو دوسرے ٹیسٹ میچ بھی ہرا کر تین میچوں کی سیریز میں دو صفر کی فیصلہ کن برتری حاصل کر لی۔
آج پونے ٹیسٹ میں نیوزی لینڈ نے ہندوستان کو ایک سو تیرہ رن سے ہرایا، تیسرے دن تین سو انسٹھ رن کے تعاقب میں ہندوستان کی ٹیم دو سو پینتالیس رن بنا کر آؤٹ ہوگئی۔
ہندوستان کو بارہ برس بعد ہوم گراؤنڈ پر ٹیسٹ سیریز میں شکست ہوئی ہے ۔ اس ٹیسٹ میچ کی پہلی اور دوسری اننگ میں نیوزی لینڈ نے دو سو انسٹھ اور دو سو پچپن رنز بنائے تھے جبکہ ہندوستان نے پہلی اور دوسری اننگ میں ایک سو چھپن اور دو سو پینتالیس رنز بنائے۔
دونوں ٹیموں کے درمیان تیسرا ٹیسٹ میچ یکم نومبر سے شروع ہو گا۔
