SAHAR

نیوزی لینڈ نے تیسرے ٹیسٹ میچ میں ہندوستان کو پچيس رن سے شکست دے دی۔

سحر نیوز/ ہندوستان: نیوزی لینڈ نے ہندوستان کو تین ٹیسٹ میچوں کی سیریز میں وائٹ واش کردیا ۔ ممبئی میں کھیلے گئے تیسرے ٹیسٹ میچ میں ایک سو سینتالیس رن کے ہدف کے تعاقب میں ہندوستان کی ٹیم ایک سو اکیس رنز پر ڈھیر ہو گئی۔

نیوزی لینڈ کی جانب سے اعجاز پٹیل نے چھے اور گلین فلپس نے تین وکٹیں حاصل کیں۔

واضح رہے کہ نیوزی لینڈ نے پہلی اننگ میں دو سو پینتیس اور دوسری اننگ میں ایک سو چوہتر رنز بنائے، جبکہ ہندوستان نے پہلی اننگ میں دو سو ترسٹھ رن بنائے اس طرح ہندوستان کو انیس سو ننانوے کے بعد پہلی بار ہوم سیریز میں وائٹ واش کا سامنا کرنا پڑا ہے۔