منموہن سنگھ کی استھیاں جمنا میں بہا دی گئيں
Dec ۲۹, ۲۰۲۴ ۱۴:۱۲ Asia/Tehran
ہندوستان کے سابق وزیر اعظم ڈاکٹر منموہن سنگھ کی استھیاں یمنا کے کنارے واقع گھاٹ پر بہا دی گئیں۔
سحرنیوز/ہندوستان: ہندوستانی میڈیا کے مطابق کانگریس نے اپنے آفیشل پیج پر یہ اطلاع دیتے ہوئے ایکس پر لکھا ہے کہ آج مادر ہند کے بیٹے اور ملک کے سابق وزیر اعظم ڈاکٹر منموہن سنگھ کی استھیاں مجنو کا ٹیلہ واقع گرودوارہ کے قریب جمنا گھاٹ پر مکمل رسومات کے ساتھ بہا دیا گیا۔ ہم سب منموہن سنگھ جی کی ملک کے لیے خدمات، لگن اور ان کی نرم مزاجی کو ہمیشہ یاد رکھیں گے۔
واضح رہے کہ ڈاکٹر منموہن سنگھ کا انتقال 26 دسمبر کو آل انڈیا انسٹی ٹیوٹ آف میڈیکل سائنسز (ایمس) میں ہوا تھا اور ہفتہ کو نگم بودھ گھاٹ میں سرکاری اعزاز کے ساتھ ان کی آخری رسومات ادا کی گئیں۔
