دنیا غیر یقینی دور سے گزر رہی ہے: ہندوستان
ہندوستانی وزیر خارجہ نے جاری عالمی تجارتی کشیدگی کے درمیان امریکہ کی طرف اشارہ کرتے ہوئے کہا کہ آج کے دور میں سیاست، معیشت پرلگاتار حاوی ہوتی جارہی ہے۔ انہوں نے اسے غیریقینی دنیا کا وقت قرار دیا
سحرنیوز/ہندوستان: موصولہ خبروں کےمطابق ہندوستان کےوزیر خارجہ نے کہا کہ آج کے حالات میں ہندوستان کے لیے یہ اوربھی زیادہ اہم ہو گیا ہے کہ وہ اپنی قومی ضروریات کو محفوظ رکھنے کے لئے سپلائی کے ذرائع میں تنوع پیدا کرے تاکہ کسی ایک ملک پر انحصار نہ رہے۔ جے شنکر کا یہ بیان حالیہ تجارتی تنازعات اور امریکی صدرڈونالڈ ٹرمپ کی طرف سے ہندوستانی درآمدات پرلگائے گئے پچاس فیصد ٹیرف کے تناظر میں آیا ہے۔
ہمیں فالو کریں:
Facebook, X, instagram, tiktok : Follow us
جے شنکر نے کہا کہ امریکہ، جو طویل عرصے سے عالمی نظام کا سہارا رہا ہے، اب ایک ایک کر کے ممالک کے ساتھ نئی شرائط پر بات کر رہا ہے جو عالمی تجارت کے لیے ایک بڑی تبدیلی ہے۔ ہندوستان اور امریکہ کے درمیان اس وقت دو سطحوں پربات چیت چل رہی ہے، جن میں سے ایک ٹیرف سے متعلق معاملات پر اور دوسری جامع تجارتی معاہدے پر ہے۔
انہوں نے کہا کہ دونوں ممالک باہمی تجارت کو بڑھانے اور طویل عرصہ سے مارکیٹ سے متعلق چل رہی رکاوٹوں کو ختم کرنے کی کوشش کر رہے ہیں، حالانکہ کشیدگی اب بھی برقرار ہے۔
