ہندوستان: ممبئی میں دھماکے اور آتش زدگی، چار فیکٹریاں جل کر راکھ

Dec ۲۴, ۲۰۲۵ ۱۷:۳۸ Asia/Tehran

ہندوستان کے صنعتی دارالحکومت ممبئی میں دھماکوں اور بھیانک آتشزدگی سے چار ٹیکسٹائل فیکٹریاں جل کر راکھ ہوگئی ہیں۔

سحرنیوز/ہندوستان: ہندوستانی ابلاغیاتی رپورٹ کے مطابق بدھ کی صبح ممبئی کے علاقے بھیونڈی کے ایک لوم کارخانے میں تین زبردست دھماکے ہوئے۔ پہلا دھماکہ صبح سواپانچ بجے اور چھے بجے کے قریب لگاتار دو دھماکے ہوئے۔

اس رپورٹ کے مطابق دھماکوں سے کوئی جانی نقصان نہیں ہوا ہے لیکن آگ بجھانے کی کارروائی کے دوران فائر بریگیڈ کا ایک کارکن زخمی ہوگیا۔ دھماکوں کے بعد فیکٹری میں آگ لگ گئی جس نے دیکھتے ہی دیکھتے ہی اس فیکٹری کے ساتھ ہی تین دیگر فیکٹریوں کو بھی اپنی لپیٹ میں لے لیا۔

ہمیں فالو کریں:

عینی شاہدین نے بتایا ہے کہ آگ لگنے کے اس واقعے میں چاروں فیکٹریاں جل کر راکھ ہوگئیں لیکن چونکہ آگ لگنے کے وقت فیکٹری بند تھی اس لئے کوئی جانی نقصان نہیں ہوا۔