ایران نے کابل دھماکوں کی مذمت کی
ایران نے کابل دھماکوں کی مذمت کی ہے۔
اسلامی جمہوریہ ایران کی وزارت خارجہ کے ترجمان سعید خطیب زاده نے کابل کے 400 بستروں پر مشتمل ہسپتال میں ہونے والے خودکش حملوں اور فائرنگ کی جس میں عام شہریوں کو نشانہ بنایا گیا تھا مذمت کی۔
افغانستان کے دارالحکومت کابل میں کل دو دھماکے ہوئے جس کے نتیجے میں 23 افراد جاں بحق اور 50 زخمی ہوگئے۔ دھماکے سردار داؤد خان ملٹری اسپتال کے قریب ہوئے۔
ترجمان افغان وزارت داخلہ کا کہنا ہے کہ ایک دھماکہ سردار محمد داؤد خان اسپتال کے داخلی دروازے پر ہوا جب کہ افغان سرکاری میڈیا کا کہنا ہے کہ سردار محمد داؤد خان اسپتال کے دروازے کے قریب دھماکے کے بعد داعش کے متعدد دہشتگرداسپتال میں داخل ہوئے اور سکیورٹی فورسز کے ساتھ ان کی جھڑپ ہوئی۔
اس موقع پر ایک خودکش حملہ آور نے خود کو سردار داؤد خان اسپتال کے دروازے پر دھماکے سے اڑالیا۔ سردار محمد داؤد خان اسپتال 400 بستروں پر مشتمل افغانستان کا بڑا فوجی اسپتال ہے۔
اس سےقبل اس اسپتال کو 2011 اور 2017 میں بھی نشانہ بنایا جاچکا ہے۔
