SAHAR

ایران کی سپاہ قدس کے کمانڈر جنرل قاآنی نے شام میں زلزلے سے متاثرہ علاقوں کے دورے کے موقع پر صوبہ لاذقیہ کے گورنر سے ملاقات کی ہے۔

سحرنیوز/ایران: سپاہ قدس کے کمانڈر جنرل قاآنی شام میں زلزلے سے متاثرین کی مدد اور نجات کی سرگرمیوں کا جائزہ لینے کے لئے شام کے دورے پر ہیں۔
انہوں نے حلب اور لاذقیہ میں زلزلے سے متاثرہ علاقوں کا دورہ کیا اور امدادی کاروائیوں کا قریب سے جائزہ لیا۔
اس موقع پر جنرل اسماعیل قاآنی نے لاذقیہ کے گورنر سے ملاقات کرکے وہاں زلزلے سے ہوئے جانی اور مالی نقصانات کے بارے میں بات چیت کی تاکہ ایران کی جانب سے ارسال کی جانے والی امدادی کھیپوں کی بہتر طریقے سے تقسیم کو یقینی بنایاجاسکے۔