ایشیا کپ فٹبال ٹورنامنٹ: ایران کی ٹیم ہانگ کانگ کو ہراکر پری کوارٹر فائنل میں
Jan ۲۰, ۲۰۲۴ ۱۵:۰۴ Asia/Tehran
ایران کی قومی فٹ بال ٹیم نے قطر میں جاری ایشیا کپ فٹبال ٹورنامنٹ میں اپنے دوسرے میچ میں ہانگ کانگ کو شکست دے کر ٹورنامنٹ کے پری کوارٹر فائنل میں جگہ بنالی۔
سحر نیوز/ ایران: فارس خبررساں ایجنسی کی رپورٹ کے مطابق ایران کی قومی فٹ بال ٹیم نے گزشتہ رات دوحہ کے خلیفہ اسٹیڈیم میں ہانگ کانگ کی قومی ٹیم کو ایک صفر سے شکست دے دی۔ اس طرح ایرانی ٹیم پری کوارٹر فائنل میں پہنچ گئی۔
اس کے ساتھ ہی ایرانی ٹیم 6 پوائنٹس کے ساتھ اپنے گروپ میں پہلے نمبر پر ہے۔ گروپ سی میں ایران کے بعد متحدہ عرب امارات 4 پوائنٹس کے ساتھ دوسرے اور فلسطین ایک پوائنٹ کے ساتھ تیسرے نمبر پر ہے۔ ہانگ کانگ کی ٹیم بغیر پوائنٹس کے چوتھے نمبر پر ہے۔
